Kolýmbııada prezıdent kortejiniń tikushaǵy apatqa ushyrap, alty adam qaza tapty
NUR-SULTAN. QazAqparat - Ortalyq Kolýmbııada prezıdenttiń áýeparkine tıesili Bell 412 tikushaǵy apatqa ushyrap, saldarynan ekıpajdyń alty adamy túgeldeı qaza tapty.Bul týraly Kolýmbııanyń Áýe kúshteri jarııa etti, dep habarlaıdy Xinhua.
«Kolýmbııanyń Áýe kúshteri 0006 tikushaq ekıpajynyń alty adamynan aıyrylǵanyna qatty qaıǵyrady», – dep málimdedi áskerı mekeme ókilderi.
Aldyn ala boljamdar boıynsha, apatqa qolaısyz aýa raıy sebep bolýy múmkin. Tikushaq juma kúni joǵalyp ketken, qutqarýshylar onyń qulaǵan ornyn endi ǵana taýyp, qaza tapqandar sanyn naqtylaı aldy.
Buǵan deıin osy tikushaqpen birneshe ret ushqan Kolýmbııa Prezıdenti Ivan Dıýke qaza tapqandardyń otbasylaryna kóńil aıtty.
«Apat meniń de janymdy aýyrtty, sebebi bul adamdarmen men sońǵy 14 aıda birge jumys istep edim», – dedi Dıýke.
