Kolýmbııada mektep avtobýsynyń apatynan 17 oqýshy qaza taýyp, 20-sy jaraqat aldy

ASTANA. KAZINFORM — 14 jeltoqsan kúni Kolýmbııanyń soltústigindegi aýyldyq jerde mektep avtobýsy 80 metrlik jartastan qulap, saldarynan 17 adam qaza taýyp, 20 adam jaraqat aldy. Bul týraly jeksenbi kúni keshke jergilikti gýbernator habarlady, dep jazdy Reuters agenttigi.

Antıokııa departamentiniń gýbernatory Andres Hýlıan X áleýmettik jelisinde jarııalaǵan habarlamasynda oqýshylar avtobýsynyń Karıb teńizi jaǵalaýyndaǵy Tolý qalasynan Medelınge qaraı baǵyt alǵanyn jáne mekteptegi sapardan keıin Antıokııanyń orta mektep oqýshylaryn alyp kele jatqanyn málimdedi.

Gýbernatordyń aıtýynsha, jeksenbi kúni keshkisin oqýshylar jaǵajaıda ózderiniń mektep bitirý keshin atap ótken.

«Bul jeltoqsan aıyndaǵy búkil elimiz úshin óte aýyr qaıǵyly jaǵdaı boldy», — dep jazdy Andres Hýlıan X áleýmettik jelisinde.

Aıta keteıik, buǵanı deıin Kambodjada avtobýs ózenge qulap, 13 adam qaza tapqan edi.