Kolýmbııada qýatty jer silkinisinen qaza tapqandar sany 250 adamnan asty
ASTANA. KAZINFORM — Batys Kolýmbııada qýatty jer silkinisinen qaza tapqandar sany 254 adamǵa jetti. Qutqarýshylar qıraǵan ǵımarattardyń astynda qalýy múmkin adamdardy izdeý úshin qırandylardy ashýdy jalǵastyryp jatyr, dep habarlaıdy Reuters.
BUU Gýmanıtarlyq isterdi úılestirý jónindegi basqarmasynyń málimetinshe, shamamen 5 myń úı zaqymdalǵan, ondaǵan ǵımarat jáne júzdegen úı qıraǵan.
Qutqarý jumystary birneshe aýdanda elektr qýaty men negizgi qyzmetterdiń bolmaýyna baılanysty qıyndap otyr. Ásirese jer silkinisiniń epıtsentrine jaqyn ornalasqan Choko aımaǵyndaǵy jaǵdaı óte aýyr. Keıbir eldi mekender syrtqy álemnen is júzinde ajyratylǵan.
10 tamyzda bolǵan 7,4 baldyq jer silkinisi Kolýmbııada osy ǵasyrdaǵy eń joıqyn jer silkinisi boldy.
Eldiń kofe aımaǵy eń kóp zardap shekti. Ulttyq kofe federatsııasy da apat saldaryn baǵalaýǵa qatysyp otyr. Sarapshylar jergilikti turǵyndarmen birge fermalar men aýyldyq ınfraqurylymǵa keltirilgen zalaldyń kólemin anyqtaý úshin jumys istep jatyr.
Jer silkinisi Kolýmbııa prezıdenti Abelardo de la Esprıelıanyń qyzmetke kiriskennen keıin birneshe kún ótken soń boldy. Memleket basshysy zardap shekken aýdandarǵa baryp, baspanalarynan aıyrylǵan adamdarǵa qarjylaı kómek kórsetýge ýáde berdi.
Osyǵan deıin Kolýmbııada jer silkinisinen qaza tapqandar sany 220-dan asqanyn jazdyq.
Sondaı-aq jer silkinisinen keıin 5 áýejaı jumysyn qaıta bastaǵanyn habarladyq.
