Kolýmbııada kóshkin saldarynan 4 adam kóz jumdy
ASTANA. KAZINORM — Kolýmbııanyń ońtústigindegi Narıno departamentindegi kóshkin saldarynan tórt adam qaza taýyp, 100-ge jýyq otbasy baspanasyz qaldy, dep jazady Report.
Bul týraly aımaq gýbernatory Lýıs Alfonso Eskobar áleýmettik jelide habarlady.
— Jańbyr birneshe qalada tótenshe jaǵdaılardy týdyrdy, biraq eń joıqyny Pasto qalasyndaǵy El-Enkano eldi mekeninde boldy, onda kóshkin tórt adamnyń ómirin qıyp, eleýli shyǵyn keltirdi, — dedi resmı ókil.
Kóshkin 400-den astam otbasyǵa áser etti, birneshe joldy júrýge jaramsyz etip, úsh sý arnasynyń opyrylýyna sebep boldy. Bılik joldardy tazalap, aýyz sýdy avtotsısternalarmen jetkizý jumystaryn júrgizýde, dedi gýbernator.
La-Krýs qalasynda 100 otbasy sý tasqynynan zardap shekti, úsh jaıaý júrginshiler kópiri qırady.
Aıta keteıik, buǵan deıin Argentınada sý tasqynynan qaza tapqandar sany 16-ǵa jetkenin habarlaǵan edik.