Kolýmbııada qosarlanǵan lańkestik oqıǵa oryn aldy: 25 adam jaraqattandy. FOTO
ASTANA. 13 qarasha. QazAqparat - Kolýmbııanyń ońtústik-batysynda ornalasqan Sýares qalasynyń ortalyǵynda keshe keshke qaraı lańkestik oryn aldy.
Polıtsııa ýchaskesinen alys emes jerde eki jarylǵysh zat iske qosyldy, sonyń nátıjesinde 25 adam jaraqattandy, dep habarlady RBK.
Jaraqattandardyń ishinde bir polıtsııa ofıtseri bar. Jergilikti turǵyndar jeńil jaraqattanǵan. Degenmen 60-qa jýyq úı qırady.
Jergilikti polıtsııanyń boljamy boıynsha, lańkestikti «Kolýmbııanyń tóńkeristik qarýly kúshteri» tobynyń sodyrlary (RVSK, FARC) uıymdastyrýy múmkin.
Aıta keteıik, sodyrlar kolýmbııalyq bıliktermen 1960 jyldan bastap kúresip keledi. Buǵan deıin FARC el aýmaǵynyń 20 paıyzyn baqylaýǵa alǵan bolatyn, alaıda keıin onyń pozıtsııasy aıtarlyqtaı álsiredi.
