Kolýmbııada esirtki satýshylar 10 fermerdi atyp óltirdi
ASTANA. 9 qarasha. QazAqparat - Kolýmbııalyq "Norte-del-Valle" narkokorteliniń músheleri Kolýmbııanyń soltústigindegi Santa-Roza-de-Osos qalasynyń mańynda ornalasqan fermada 10 beıbit turǵyndy atyp óltirdi.
RBK habarlaǵandaı, qyzanaqtardy ósirýmen aınalysatyn fermerlerge avtomattarmen qarýlanǵan narkokarteldiń 3 múshesi shabýyl jasady. Polıtsııanyń bergen aqparatyna qaraǵanda, olar fermerlerden «salyq» jınaý úshin kelgen. Biraq olar bopsalaýǵa kónbegen, aqyrynda qylmyskerlerdiń qolynan qaza tapty. 9 er adam men bir boıjetken óltirildi.
Polıtsııa fermerlerdiń ólimine qatysy bar narkokarteldiń eki múshesin ustady. Qazirgi ýaqytta qylmyskerlerdi izdestirý jumystary jalǵasýda.
Bul, 2009 jyldyń tamyzynda esirtki satýshylar beıbit adamdardy óltirgennen keıingi bolǵan eldegi iri oqıǵa. Ol kezde osy narkokarteldiń ókilderi Kolýmbııanyń ońtústik-batysynda Ava taıpasynyń 12 ókilin óltirip ketken bolatyn.
Aıta keteıik, Kolýmbııa álemde esirtki boıynsha jaǵdaıy kúrdeli turǵan el bolyp tabylady. Memleket kokaınniń óndirisi boıynsha ǵalamsharta birinshi orynda tur. BUU-nyń statıstıkasy boıynsha, Kolýmbııada jylyna bul esirtki túriniń 300 tonnadan astamy shyǵarylady.
