Kolýmbııada bolǵan kóshkin onnan astam adamnyń ómirin qıdy
ASTANA. 16 sáýir. QazAqparat - Kolýmbııa astanasy Bogata qalasynyń soltústiginen 135 shaqyrym jerde bolǵan kóshkinnen úsh balany qosa alǵanda, kem degende 11 adam kóz jumdy, dep habarlaıdy Kolýmbııanyń RCN radıosyna silteme jasaı otyryp RIA jańalyqtar agenttigi.
«Juma kúni qatty jańbyrdan keıin Santander departamentindegi Florıan qalasynyń taý eteginde ornalasqan úsh úıdi laı kóshkini shaıyp ótken. Kóshkin astynda qalǵan bir turǵyn úıde 13 adamnan turatyn otbasy qalyp qoıyp, tek eki adamdy ǵana aman alyp qalý múmkin boldy. Qaza tapqandardyń úsheýi bala», - dep málim etti radıoda jergilikti polıtsııa leıtenanty Rıkardo Sanches Hımenes.
Onyń atap ótkenindeı, qaza tapqandardyń sany artýy múmkin, sebebi birneshe adam iz-tússiz joǵalǵandar qatarynda.
