Kolýmbııada avtobýs jarylyp, 14 adam qaza tapty
ASTANA. KAZINFORM – Kolýmbııada Panamerıkan tas jolynda bolǵan jarylys saldarynan keminde 14 adam qaza taýyp, 38 adam jaraqat aldy, dep habarlaıdy DW.
Oqıǵa Kaýka departamentinde bolǵan. Jergilikti bılik málimetinshe, jarylysqa mına qoıylǵan avtobýs sebep bolǵan. Zardap shekkenderdiń arasynda bes bala bar.
Aımaq gýbernatory Oktavıo Gýsman bul oqıǵany beıbit turǵyndarǵa qarsy baǵyttalǵan «retsiz shabýyl» dep baǵalady.
– Jarylystyń kúshi óte qatty boldy, adamdar birneshe metrge deıin ushyp ketti, – deıdi kýágerler.
Bılik ókilderi shabýylǵa jaýapkershilikti burynǵy FARC múshelerinen quralǵan «Haıme Martınes» tobyna júktedi. Bul top 2016 jylǵy beıbit kelisimge qosylmaı, qarýly kúresti jalǵastyryp keledi.
Associated Press dereginshe, sońǵy eki kúnniń ózinde Kolýmbııanyń ońtústik-batysynda beıbit turǵyndar zardap shekken keminde 26 oqıǵa tirkelgen.
Sondaı-aq 24 sáýirde Kalı jáne Palmıra qalalaryndaǵy áskerı nysandar mańynda eki jarylys bolǵan.
Aıta keteıik, bul oqıǵalar 31 mamyrǵa josparlanǵan prezıdenttik saılaý aldyndaǵy kezeńmen tuspa-tus kelip otyr.
Buǵan deıin Kolýmbııada 100-den astam áskerı qyzmetshi mingen ushaq apatqa ushyraǵan edi.
