Kolýmbııada avtobýs aýdarylyp, segiz adam qaza tapty

ASTANA. KAZINFORM – Kolýmbııanyń ońtústik-batysynda jolaýshylar avtobýsy aýdarylyp, segiz adam qaza tapty. Taǵy 20 adam jaraqat aldy. Bul týraly Sınhýa agenttigi jazdy.

Kolýmbııada avtobýs aýdarylyp, segiz adam qaza tapty
Foto: infobae

Jol apaty №45 ulttyq tasjolda bolǵan. Avtobýs Florensııa qalasynan el astanasy Bogotaǵa qaraı baǵyt alǵan.

Aldyn ala málimet boıynsha, qaza tapqandar arasynda eki bala bar. Qazir bılik qurbandardyń naqty sanyn anyqtap, kóz jumǵan adamdardyń jeke basyn sáıkestendirip jatyr.

Oqıǵa ornyna jol polıtsııasynyń qyzmetkerleri, órt sóndirýshiler jáne tasjolǵa qyzmet kórsetetin kompanııanyń mamandary jetken. Olar qutqarý jáne shuǵyl kómek kórsetý jumystaryn úılestirdi.

Jaraqat alǵandar jaqyn mańdaǵy Neıva qalasynyń aýrýhanalaryna jetkizildi.

Qazir bılik jol apatynyń sebepterin tergep jatyr. Aldyn ala boljam boıynsha, júrgizýshi rólde otyryp, qysqa ýaqytqa uıyqtap ketken bolýy múmkin. Sonyń saldarynan avtobýs tizginge baǵynbaı, aýdarylǵan.

Eske sala keteıik, buǵan deıin Iranda jumysshylar mingen avtobýs aýdarylyp, 12 adam qaza tapqanyn jazdyq.

Sondaı-aq Úndistanda shaǵyn avtobýs júk kóligimen soqtyǵysyp, 26 adam kóz jumdy.