Kolýmbııada áskerı ushaq apatqa ushyrady, 11 adam qaza tapty
ASTANA. QazAqparat - Juma kúni Sesar departamentinde Kolýmbııanyń VVS ushaǵy qulady, dep habarlaıdy TASS.
Apat saldarynan 11 áskerı qyzmetker qaza tapty.
«Ushaq qozǵaltqyshynyń isten shyqqany týraly aqparat kelip tústi. Bul qaıǵyly oqıǵada eshkim aman qalmaǵany anyqtalǵan», - dep naqtylady eldiń Qorǵanys mınıstrliginen.
Onyń málimetterinshe, áýe kemesi Palenkeronyń áskerı bazasynan ushyp shyqqan.
Áskerı-kóliktik ushaqtyń apatqa ushyraýy faktisin Kolýmbııanyń azamattyq avıatsııa basqarmasy rastady. Ushaq FAC 261 tirkeý nómiri boıynsha tanylǵan.
Osy eldiń memleket basshysy «áýe apatyna baılanysty qaıǵyǵa ortaqtyǵyn» bildirip, qaza tapqandardyń týystaryna kóńil aıty.
El Colombiano gazetiniń naqtylaýynsha, kýágerler ushaqtyń áýede órtenip, odan keıin úsh bólikke bólinip, jerge qulaǵanyn aıtady.
Oqıǵa ornyna áskerı bólimder kelip jetti.
