Kolýmbııada apatqa ushyraǵan ushaq tabyldy
ASTANA. KAZINFORM — Kolýmbııada Kondoto qalasy men Bogotadaǵy Gýaımaral áýejaıy arasyndaǵy baǵytta apatqa ushyraǵan Cessna T206 ushaǵy tabyldy. El prezıdenti Abelardo de la Esprıelıa borttaǵy bes adamnyń barlyǵy qaza bolǵanyn málimdedi, dep jazady BelTA.
— Ókinishke qaraı, bılik borttaǵy adamdardyń barlyǵynyń qaza tapqanyn rastady», — dep jazdy de la Esprıelıa X áleýmettik jelisindegi paraqshasynda.
HK-4985 tirkeý nómiri bar ushaq 13 qyrkúıek kúni tańerteń Kondotodan Bogotaǵa ushqanda radardan joǵalyp ketken. Áýe kemesimen sońǵy baılanys Choko men Rısaralda departamentteriniń shekarasyndaǵy taýly ormandy aımaqta ornaǵan.
Keıin izdeý toptary Tatama ulttyq tabıǵı parkiniń aýmaǵyndaǵy jetýi qıyn taýly óńirden ushaqtyń qulaǵan jerin anyqtady. Jer bederi men aýa raıynyń qolaısyzdyǵy izdeý-qutqarý jumystaryn qıyndatyp, qutqarýshylardy tikushaqtarmen jetkizýge týra kelgen.
Ushaq bortynda bes adam bolǵan. Kolýmbııalyq BAQ-tyń habarlaýynsha, olardyń tórteýi Kondotodaǵy jergilikti turǵyndarǵa kómek kórsetýge barǵan medıtsınalyq mamandar.
Kolýmbııa prezıdenti qaza bolǵandardyń otbasylary men jaqyndaryna kóńil aıtty. Ushaq apatynyń sebepteri men mán-jaıy anyqtalyp jatyr.
Eske sala keteıik, Argentınada órt sóndirý tikushaǵy apatqa ushyrap, 7 adam kóz jumǵan bolatyn.
