Kolýmbııada 51 myń adam Zıka vırýsyn juqtyrǵan
ASTANA. QazAqparat - Kolýmbııada 2015 jyldyń qazan aıynan beri 51 473 adam Zıka vırýsyn juqtyrǵan, dep jazady TASS.
Zıka bezgegi juqqandardyń 9511-i - júkti áıel. Bul málimetti senbi kúni Kolýmbııanyń Densaýlyq saqtaý ulttyq ınstıtýty jarııa etti.
«28 aqpan men 5 naýryz aralyǵynda 3702 adam Zıka bezgegin juqtyrdy. Onyń 2259-y - alǵash ret juqtyrǵandar, 1443-i - buryn juqtyryp, túrli sebeptermen tirkelmeı júrgender. Osylaısha Kolýmbııada 2015 jyldyń qazan aıynan beri 51 473 adam Zıka vırýsyn juqtyrǵan», delingen habarlamada.
