Kolýmbııada 5013 júkti áıel Zıka bezgegin juqtyrǵan
ASTANA. QazAqparat - Kolýmbııada 5 myńnan astam júkti áıel Zıka bezgegin juqtyrǵan. Olardyń 30%-y - Venesýela shekarasyna jaqyn ornalasqan aımaqtyń turǵyndary, dep jazady 24.kz.
Al búkil el boıynsha búginde osy dertke 31 myń 500 turǵyn shaldyqqan. Bul ótken aptadaǵy kórsetkishpen salystyrǵanda 23%-ǵa kóp. Bir apta ishinde vırýsty juqtyrǵan aıaǵy aýyr kelinshekter sany birden 58%-ǵa artyp otyr. Osy rette Kolýmbııa bıligi áıelderge aldaǵy 6-8 aı ishinde júktilikten bas tartýǵa keńes bergen. Óıtkeni Zıka bezgegi qursaqtaǵy balanyń damýyna keri áser etýi múmkin degen qaýip bar.
