Kolýmbııada 11 jasar kontrabandashy qyz qolǵa tústi
ASTANA. 7 aqpan. QazAqparat - Kolýmbııadaǵy bir túrme qyzmetkerleri abaqtyǵa 74 uıaly telefon men tapansha alyp ótpek bolǵan 11 jastaǵy qyzdy qolǵa túsirdi, dep habarlaıdy Ýtro.rý agenttigi.
Tártip saqshylary qyzdyń ústindegi kıiminen kúdiktengen. Keıin ondaǵan uıaly telefon men tapansha qyz balanyń denesine japsyrylǵany anyqtalǵan. Qolǵa túsken jasóspirim zańsyz qarý ustaǵany úshin óz jazasyn ótep jatqan týysqanyna kelgenin aıtqan.
