Kolýmbııada 100-den astam áskerı qyzmetshi mingen ushaq apatqa ushyrady
ASTANA. KAZINFORM — Kolýmbııanyń Áýe kúshterine tıesili Hercules C-130 ushaǵy, ishinde 100-den astam áskerı qyzmetker bolǵan, eldiń ońtústiginde apatqa ushyrady, dep habarlaıdy. Bul týraly TASS agenttigi jazdy.
Caracol radıostantsııasynyń málimetinshe, eldiń qorǵanys mınıstri Pedro Sanches X áleýmettik jelisinde apat bolǵanyn rastaǵan, alaıda ushaq bortynda naqty qansha adam bolǵanyn naqtylamady.
Mınıstrdiń aıtýynsha, apat ornynda áskerı qyzmetkerler jumys istep jatyr. Qazirgi ýaqytta qaza tapqandar sany men apattyń sebepteri naqty anyqtalǵan joq.
Eske sala keteıik, buǵan deıin Iranda áskerı tikushaq apatynan tórt adam qaza tapqan edi.
Al ótken jyldyń qarasha aıynda Ázerbaıjannan Túrkııaǵa baǵyt alyp Grýzııa men Ázerbaıjan shekarasynda apatqa ushyraǵan túrkııalyq áskerı-kólik ushaǵynyń qaldyqtary tabyldy, dep habarlady Túrkııa Ulttyq qorǵanys mınıstrligi NSosyal áleýmettik jelisindegi resmı paraqshasynda. Mınıstrlik bortta 20 adam bolǵanyn da rastaǵan edi.
