Kolýmbııa jasandy ıntellekt arqyly eldiń jalpy ishki ónimin arttyrmaq
ASTANA. KAZINFORM — Kolýmbııa bıligi eldiń jalpy ishki ónimin 6,8 paıyzǵa jetkizý úshin aýyl sharýashylyǵy salasyna jasandy ıntellekt engizdi, dep habarlaıdy TV BRICS.
Kolýmbııanyń Aqparattyq tehnologııalar jáne kommýnıkatsııalar mınıstrligi osy saladaǵy sátti pılottyq jobalar týraly habarlady. Máselen, Barrankılıa qalasynda sýdyń sapasyn ólsheıtin prototıpter qoldanylady. Basqa aımaqtarda JI topyraq sıpattamalaryn, sonyń ishinde rN deńgeıin taldaý úshin, egin ónimdiligin ońtaılandyrý úshin qoldanylady.
Sonymen qatar, vedomstvo fermerlerge naqty ýaqyttaǵy derekter, nusqaýlar jáne resýrstarmen qamtamasyz etetin Campo Innova qoldanbasyn ázirledi. Tsıfrlyq platforma bilimmen almasýdy jeńildetýge jáne shalǵaıdaǵy qaýymdastyqtarǵa agrotehnologııalyq ozyq sheshimderge qol jetkize alatyndaı aýyldyq baılanysty jaqsartýǵa baǵyttalǵan.
Aqparat agenttiginiń málimetinshe, Kolýmbııa aýyl sharýashylyǵyna JI engizý arqyly ózin turaqty ınnovatsııada kóshbasshy retinde kórsetip, fermerlerge jyldam ózgeretin álem qıyndyqtaryna qarsy turý quraldaryn usynyp jatyr.
Buǵan deıin habarlaǵanymyzdaı, jyl basynan beri 1,3 mln qazaqstandyq Ózbekstanǵa saıahattap barǵan.