Kolýmbııa jaǵalaýynda 300 jyl buryn sýǵa ketken ıspanııalyqtardyń kemesi tabyldy
ASTANA. QazAqparat - Kolýbııa jaǵalaýynda 300 jyl buryn sýǵa batyp ketken ıspanııalyqtardyń kemesi tabyldy. Onyń ishinde asyl tas, altyn, kúmis monetalar salynǵan sandyq bolǵan degen boljam bar. Bul týraly Kolýmbııa prezıdenti Hýan Manýel Santos málimdemesine silteme jasap «Reuters» agenttigi habarlady.
Egjeı-tejeıli aqparat senbi Kartahende baspasóz konferentsııasynda beriledi, dep habarlady TASS.
Habarlamada atap ótilgendeı, «San-Hose» kemesi 1708 jyly Kartahen qalasynyń mańyndaǵy Karıb teńizinde batyp ketken. Keme Ispanııanyń taqmuragerligine soǵys kezinde korol Fılıpp V flotyna tıesili bolǵan.
