Kolýmbııa ýnıversıtetiniń kitaphanasynda brıtandyq barlaýshynyń qazaqtar jaıynda kitaby saqtalǵan

NЬıÝ-IORK. QazAqparat – Ár jyldardaǵy Qazaqstan jaıynda jazylǵan kitaptardy Nıý-Iorktegi Kolýmbııa ýnıversıtetiniń kóne kitaphanasynan oqýǵa bolady. Bul jaıynda Facebook-tegi paraqshasynda Qazaqstannyń BUU-daǵy turaqty ókildiginiń keńesshisi Ánýar Jaınaqov málim etti, dep habarlaıdy QazAqparat.

«Qazaq SSR ǵylym akademııasynyń habarlary» (1959), «Kazahstan v perıod Velıkoı Otechestvennoı voıny Sovetskogo soıýza 1941-1945» (1964), «Batyr Srym» (1947) – ártúrli jyldardaǵy Qazaqstan men qazaqtar jaıynda osy jáne basqa da kitaptar dy Nıý-Iorktegi Kolýmbııa ýnıversıtetiniń kóne kitaphanasynan kezdeısoq kórip qaldym. Alaıda bárinen de brıtandyq ofıtser men barlaýshy Ralf Kobboldtyń qazaq dalasyna, Almaty (sol kezdegi Vernyı) qalasy men Balqash kóline jasaǵan saıahatynyń sýretteri men kartalary qyzyq bolyp shyqty.

«INNERMOST ASIA - Travels and Sport in the Pamirs» atty bul kitap Nıý-Iorkte 1900 jyly basylyp shyqqan. Avtor 19-20 ǵasyrlar aralyǵyndaǵy Almaty qalasyn, jergilikti turǵyndar «Teńiz» dep atap ketken Balqash kólin, tipti sol kezderde meken etken turan jolbarysyna ańshylyqqa shyqqanyn qyzyqty etip sıpattap bergen. Sondaı-aq, brıtandyq Іle ózeni janynda ózderin arǵyn dep ataǵan kóshpendilermen kezdeskenin jáne t.b. jaıynda aıtady. Kitaptardyń basym kópshiliginde «Anonımdi túrde berilgen» degen belgi bar.

Avtor: Janara Muhamedııarova