Kolýmbııa soty úndisterge 50 myń gektar jerdi qaıtaryp berdi
ASTANA. QazAqparat - Kolýmbııanyń Antıokııa departamentiniń soty úndisterge kóptegen asa iri taý-ken qazýshy kompanııalar qyzyǵýshylyq tanytyp otyrǵan 50 myń gektar jerdi qaıtaryp berý týraly sheshim qabyldady, dep habarlady juma kúni El Espectador basylymy.
Jer daýynyń bastalǵany birinshi jyl emes. 1979 jyly úndisterdiń paıdasyna sheshim qabyldanǵan bolatyn, alaıda ol oryndalǵan joq, jerdiń 62 paıyzy túrli taý-ken óndirýshi kompanııalarǵa taratyldy.
Endi sot tarapynan barlyq deńgeıdegi bılik oryndaryna úndis halqyna jerlerin qaıtaryp berýge kepil bolýǵa nusqaý joldandy. Al sáıkes baqylaý organdaryna osy aýmaqtardaǵy júzege asyrylǵan jobalardyń árqaısysyn tekserý júkteldi.
Sonymen birge, aldaǵy alty aı ishinde jerlerdi qaıtaryp berý máselesimen shuǵyldanatyn uıym kenishterden keltirgen zalalǵa óz baǵasyn berýleri kerek.
