Kolýmbııa sary bezgektiń órshýine baılanysty tótenshe jaǵdaı jarııalady

ASTANA. KAZINFORM – Kolýmbııa úkimeti densaýlyq saqtaý salasynda sary bezgektiń órshýine baılanysty tótenshe jaǵdaı rejımin jarııalady, dep habarlaıdy Kazinform Reuters agenttigi. 

2023 jyldyń basynan beri 74 aýrý juqtyrý deregi rastalyp, 34 adam qaıtys bolǵanyn densaýlyq saqtaý mınıstri Gılermo Alfonso Haramılo málimdedi.

Sary bezgek — Aedes jáne Haemagogus masalary arqyly taralatyn vırýs juqpaly aýrý. Haramılonyń aıtýynsha, eń aýyr jaǵdaı Kolýmbııanyń ortalyq-batys bóligindegi Tolıma departamentinde tirkelip otyr, munda 22 oqıǵa anyqtalǵan.

Eske sala keteıik, buǵan deıin Market Watch málimetinshe, Kolýmbııada arabıka kofesiniń baǵasy bir fýnt úshin 3,55 dollarǵa deıin kóterilgenin jazǵan bolatynbyz. Arabıka kofesiniń baǵasy 27 qańtardaǵy saýda-sattyq kezinde bir fýnt úshin 3,55 dollarǵa (shamamen 7,83 dollar) deıin kóterilip, rekord jańartqan edi.