Kolýmbııa prezıdenti jańa beıbit kelisimge qol qoıyldy

ASTANA. QazAqparat - «Kolýmbııanyń revolıýtsııashyl qarýly kúshteriniń» jetekshisi men osy eldiń prezıdenti jańa beıbit kelisimge qol qoıdy. Saltanatty rásim el astanasy Bogota qalasynda ótken. Oǵan birqatar eldiń basshylary men BUU-nyń Bas hatshysy qatysty, dep habarlaıdy Habar 24 telearnasy.

Jarty ǵasyrdan astam ýaqytqa sozylǵan qaqtyǵysqa shek qoıatyn qujatty kelesi aptada Kolýmbııa kongresi ratıfıkatsııalaýy tıis. Oǵan sáıkes kóterilisshiler qarýyn tastap, saıası partııa qurady. Negizi taraptar qyrkúıektiń aıaǵynda osyndaı beıbit kelisimdi bekitken bolatyn.

Alaıda artynsha ótkizilgen referendýmda halyqtyń basym bóligi oǵan qarsy daýys bergen. Turǵyndar talaı adamdy jer jastandyrǵan búlikshilerdi jazaǵa tartýdy talap etip, ereýilder uıymdastyrǵan.

 Aıta ketken jón, Kolýmbııadaǵy azamattyq soǵys 1964 jyly bastalǵan bolatyn. Teketirester kesirinen 200 myńnan astam adam qaza taýyp, taǵy 6 mıllıonǵa jýyq turǵyn úılerin tastap, bosyp ketti.