Kolýmbııa prezıdenti otyrǵan tikushaqqa pýlemetten oq jaýdyrylǵan
BOGOTA. QazAqparat – Venesýela shekarasyna jaqyn mańda bortynda Kolýmbııa prezıdenti Ivan Dýke Markes bolǵan tikushaqqa úlken kalıbrli pýlemetten oq jaýdyrylyp. QazAqparat bul týraly VVS-ge silteme jasap habarlaıdy.
Prezıdentpen birge Qorǵanys jáne Іshki ister mınıstrleri, sondaı-aq provıntsııa gýbernatory bolǵan.
Prezıdent ókili atys saldarynan eshkim zardap shekpegenin aıtty.
Ivan Dýke shabýyldy «qorqaqtardyń isi» dep atady jáne zorlyq-zombylyq pen terrorlyq shabýyldardan qorqytpaıtynyn málimdedi.
«Bizdiń myqty memleket osyndaı qaýip-qaterlerge qarsy tura alady», - dedi prezıdent Twitter-de jarııalaǵan vıdeoúndeýinde. Ol qaýipsizdik kúshterine kinálilerdi tabýǵa buıryq berilgenin de aıtty.
Prezıdent, mınıstrler men gýbernator bara jatqan Kolýmbııa-Venesýela shekarasyna jaqyn jerdegi Katatýmbo aımaǵynda «Ulttyq azattyq armııasy» solshyl radıkaldy toby ornalasqan. Ol 1964 jyly qurylǵan, maqsaty - jerdi paıdalaný men baılyqty bólýdegi teńsizdikke qarsy kúres.
«Ulttyq azattyq armııasy» eldiń eń iri búlikshi toby jáne Kolýmbııa, AQSh jáne Eýropalyq odaqta terrorıstik uıym sanalady.
