Kolýmbııa prezıdenti beıbitshilik salasyndaǵy Nobel syılyǵyna ıe boldy
ASTANA. QazAqparat - Radıkaldy FARK tobymen kópjyldyq qaqtyǵysty toqtatqany úshin Kolýmbııa prezıdenti beıbitshilik salasyndaǵy Nobel syılyǵyna ıe boldy. Bul týraly BBC habarlady.
2016 jyly qyrkúıektiń sońynda Kolýmbııa prezıdenti Santos pen FARK lıderi Tımoleon Hımeneso beıbit kelisimge qol qoıdy. Ekeýi de beıbitshilik salasyndaǵy Nobel syılyǵyna úmitkerlerdiń qatarynda boldy. FARK tobymen áskerı qaqtyǵys 50 jyldan astam ýaqyt jalǵasyp, 250 myńnan astam adamnyń ómirin qıdy.
Ótken seısenbi kúni FARK sherýshilerimen atysty toqtatýdyń ekijaqty rejımi uzartyldy. Sol kezde Santos jaqyn arada eldegi beıbitshilikke qol jetkizýge nıetti ekenin aıtty.
"Jaqyn arada Kolýmbııada beıbitshilik ornaıdy, biz oǵan qol jetkizemiz", - dedi ol eldiń eks-prezıdenti Alvaro Ýrıbemen kezdesken soń.
Eske sala keteıik, aǵymdaǵy jyly japonııalyq Esınorı Osýmı medıtsına salasy boıynsha Nobel syılyǵynyń laýreaty atandy. Fızıka boıynsha Nobel syılyǵyna Dankan Holdeın, Maıkl Kosterlıts jáne Devıd Taýles ıe boldy. Nobel syılyǵynyń mólsheri 8 mln shvetsııalyq krondy (295 mln teńge) quraıdy.
