Kolýmbııa prezıdenti mınıstrler kabıneti múshelerin otstavkaǵa ketýin talap etti

ASTANA. KAZINFORM — Kolýmbııa prezıdenti Gýstavo Petro jeksenbide X áleýmettik platformasynda ulttyq damý josparyn tolyǵymen júzege asyrý kúsh-jigeriniń bir bóligi retinde úkimet mınıstrleriniń otstavkaǵa ketýin talap etetinin jarııalady.

Bul týraly Sınhýa aqparat agenttigi habarlady.

— Halyq usynǵan baǵdarlamaǵa kóbirek sáıkes bolý úshin mınıstrler kabınetinde birshama ózgeris bolady, — dep túsindirdi prezıdent.

Gýstavo Petronyń aıtýynsha, birqatar ózgeris engiziledi. Sebebi ókilettigi 2026 jyly aıaqtalatyn onyń ákimshiligi tórt jyldyq merzimi basynda bastalǵan baǵdarlamany júzege asyrýǵa tolyǵymen jumyldyrylatyn bolady.

Ótken aptada bolǵan jıynda prezıdent óz mınıstrlerin tıimsiz jumysy úshin synǵa aldy. 

Qazirgi kezde qorshaǵan ortany qorǵaý mınıstri Sýsana Mýhamad, mádenıet mınıstri Hýan Davıd Korrea jáne eńbek mınıstri Glorııa Ines Ramıres otstavkaǵa ketetinin jarııalady.

Osyǵan deıin Kolýmbııa prezıdenti Gýstavo Petro tikeleı efırde ótken alty saǵattyq úkimet otyrysynda zańdastyrylǵan kokaındi «sharap sııaqty» satýǵa bolatynyn aıtty.