Kolýmbııa halqy Bogotadaǵy terakti qurbandaryn aza tutýda
ASTANA. QazAqparat - Bogotada beısenbi tańerteń bolǵan lańkestik áreket saldarynan kem degende 21 adam mert bolyp, 87-si zardap shekken. Jarylǵysh zattarǵa toly kólik ulttyq polıtsııa akademııasynyń qabyrǵasyna soqtyǵysqan, dep habarlaıdy QazAqparat El Tiempo-ǵa silteme jasap.
87 zardap shegýshiniń 68-i aýrýhanada jatyr. Olardyń basym bóligi - kolýmbııalyqtar. Alaıda, jaraqat alǵandardyń arasynda panamalyqtar men ekvadorlyqtar da bar. Olar akademııada bilim alǵan. Prezıdent Ivan Dýke úsh táýlikke aza tutý kúnin jarııalady.
Jarylys 09:30-da bolǵan. Lańkes tizgindegen avtomobıl akademııa ǵımarattarynyń birine soǵylǵan.
Bıliktiń deregi boıynsha, mashınaǵa 80 keli jarylǵysh zat tıelgen.
Quqyq qorǵaý organdary jarylysty kim jasaǵanyn anyqtady. Ol 56 jastaǵy kolýmbııalyq Hose Aldemar Rohas Rodrıges bolyp shyqty.
