Kolýmbııa Eskobardan qalǵan sýsıyrlar sanyn qysqartpaq
ASTANA. KAZINFORM — Kolýmbııa 2026 jyldyń ekinshi jartysynda ınvazıvti sýsıyrlar popýlıatsııasyn baqylaý baǵdarlamasyn iske qosýdy josparlap otyr, dep habarlaıdy DW.
Baǵdarlama aıasynda janýarlardyń bir bóligin uıyqtatý (evtanazııa) qarastyrylǵanyn qorshaǵan orta mınıstri Irena Veles málimdedi.
Úkimet derekterine sáıkes, eldiń ortalyq bóliginde Magdalena ózeni mańynda shamamen 200 sýsıyr tirshilik etedi. Eger baqylaý sharalary qabyldanbasa, olardyń sany 2035 jylǵa qaraı 1000-ǵa jetýi múmkin. Osyǵan baılanysty bılik ekojúıeler men jergilikti janýarlar túrlerin qorǵaý úshin naqty sharalar qajet ekenin atap ótti.
Mınıstrdiń aıtýynsha, popýlıatsııany qysqartý úshin shamamen 80 sýsıyrdy uıyqtatý josparlanyp otyr.
Alǵashqy tórt sýsıyrdy Pablo Eskobar 1980-jyldary óziniń jeke haıýanattar baǵy úshin Kolýmbııaǵa ákelgen. Sodan beri olardyń sany baqylaýsyz kóbeıip ketken, aımaqtyq ekologııalyq qyzmetterdiń shekteý áreketterine qaramastan ósim toqtamaǵan.
Quny 7,2 mlrd peso (shamamen 1,98 mln dollar) bolatyn baǵdarlamaǵa janýarlardy aýlaý jáne basqa jerge kóshirý de kiredi. Sonymen qatar, Kolýmbııa bıligi sýsıyrlardyń bir bóligin sheteldegi haıýanattar baqtary men qoryqtarǵa berý máselesi boıynsha birneshe elmen kelissózder júrgizip jatyr, alaıda qajetti ruqsattar ázirge alynbaǵan.
Aıta ketelik elde janýarlardy óltirgender bes jylǵa sottalýy múmkin.
