Kolýmbııa áýejaıynda myńnan astam tasbaqa tárkilendi
NUR-SULTAN. QazAqparat - Bogota qalasynyń halyqaralyq áýejaıynda kontrabandashylar zańsyz jolmen shetelge ótkizbek bolǵan 1,3 myńnan astam tasbaqany tárkiledi. Bul týraly EFE agenttigi qala ákimdigine silteme jasap habarlaıdy.
«Tasbaqalar óte nashar jaǵdaıda bolǵan. Olar plastık paketterde áreń tynys alǵan. 28-i aýa jetispeı ólip qalǵan», - deıdi Bogota qorshaǵan ortany qorǵaý jónindegi hatshysy Oskar Lopes.
Onyń aıtýynsha, tárkilengen Chelus fimbriatus (shashaqty tasbaqa) tasbaqalary ońaltý sharalarynan keıin tabıǵatqa jiberiledi.
Kolýmbııada kedenshiler sırek kezdesetin janýarlardyń iri partııasyn ustaǵan jaǵdaı bir bul emes. Sáýirde Bogota áýejaıynda Oophaga lehmanni tuqymdasyna jatatyn qurbaqalardy da shetelge zańsyz ketýden saqtap qalǵan. Halyqaralyq tabıǵatty qorǵaý odaǵynyń derekterine qaraǵanda, qosmekendilerdiń osy túri joıylýdyń az-aq aldynda tur.
