Qoltyraýynnyń ıtke jaqyndaǵan úreıli sáti vıdeoǵa túsip qalǵan
ASTANA. QazAqparat - Qorqynyshty vıdeony Florıdanyń 37 jastaǵy turǵyny Korına Koks kezdeısoq túsirip alǵan.
Áıel sý tasqynynan keıin ıti Pokıdi serýendeýge alyp shyǵyp, sýda júzip júrgenin vıdeoǵa túsirip almaq bolady, dep habarlaıdy Daily Mail.
Alǵashynda Korına sýda júrgen Pokıden basqa janýardy ańdamaıdy. Qoltyraýyn ıtke jaqyn kelgende ǵana oǵan shyn qater tóngenin baıqaıdy.
«Onyń qasynda paıda bolǵan allıgatordy kórgenimde ıtimniń qarǵy baýyn barynsha tarttym. Qoryqqanym sonshalyq, aıaǵym qaltyrap júre almaı qaldym», - deıdi áıel.
Baqytqa oraı, ıt te, áıel de zardap shekpegen. Biraq qoltyraýyn taǵy bir saǵattaı Pokıdiń sýǵa qaıta oralýyn ańdyp júrgen.
