Qoltyraýyndar asa tájirıbeli ańshyny jep qoıdy
ASTANA. QazAqparat - Qutqarýshylar ótken aptada Zımbabvede joǵalǵan ońtústikafrıkalyq ańshy Skott van Zıldi (Scott van Zyl) qoltyraýyndar jep qoıdy dep kúdiktenýde.
Bul týraly The Independent basylymy habarlady.
Van Zıl Zımbabvedegi safarıge kelgen bolatyn. Ol jergilikti iz kesýshimen jáne ańshy ıttermen birge Lımpopo ózenine kelgen. Qutqarýshylar anyqtaǵandaı, ańshylar avtomobılden shyǵyp, ıtterdi alyp jan-jaqqa taraǵan. Keıinirek ıtter lagerge Skott van Zılsiz oralady. Іz kesýshiniń taǵdyry belgisiz.
Іz-túzsiz joǵalǵan ońtústikafrıkalyq ańshyny tikushaqpen jáne súńgirler arqyly izdedi. Qutqarýshylar onyń izi men joldorbasyn ózenniń jaǵasynan tapty. Keıin olar sol mańnan ańshyǵa shabýyl jasaýy múmkin eki qoltyraýyndy kórgen. Mamandar qazir reptılııanyń asqazanyndaǵy zattarǵa saraptama júrgizýde.
