«Qoltyraýyn» esirtkisi jasalatyn dárilik quraldardyń dárihanalarda erkin satylýyna tyıym salyndy - QR ІІM
TANA. 2 qarasha. QazAqparat /Jasulan Amanbaıuly/ - Quramynda kodeın zaty bar dárilik quraldar dárihanalarda tek dárigerdiń retseptisimen beriletin boldy. Bul týraly búgin Astanada ótken birlesken baspasóz máslıhaty kezinde QR Іshki ister vıtse-mınıstri Qaırat Tynybekov málim etti.
Q. Tynybekovtyń aıtýynsha, Qazaqstanda kodeıni bar dárilik quraldardy dárihanalardan kedergisiz satyp alyp, olardan «qoltyraýyn» dep atalyp ketken dezomorfın esirtkisin jasaý faktileri jıilep ketken.
«Atalǵan dárilik zattardan dezomorfın esirtkisin daıyndaý jáne tutyný faktiler oryn ala bastady. Muny ásirese jastar keńinen qoldanýda. Al dezomorfınniń adamǵa tıgizetin zııanyn emdeý múmkin emes», - dedi vıtse-mınıstr.
Osy oraıda QR ІІM Esirtkimen kúres jónindegi komıteti jáne QR Densaýlyq saqtaý mınıstrligi Medıtsınalyq jáne farmatsevtıkalyq qyzmetti baqylaý komıteti arasynda birlesken buıryqqa qol qoıyldy.
QR Densaýlyq saqtaý vıtse-mınıstri Erık Baıjúnisovtyń aıtýynsha, atalmysh buıryqqa sáıkes, aǵymdaǵy jyldyń qarasha aıynan bastap, quramynda kodeıni bar Solpadeın, ıÝnıspaz, Pentalgın, Antıspazm atty dárilik zattar tek qana dárigerdiń retseptisimen satylatyn bolady. Osyǵan oraı, jaqyn kúnderi atalǵan dárilik quraldardy jiberý tártibiniń saqtalýyna qatysty tekserister júrgizilmek.
Búgingi tańda Qazaqstan aýmaǵynda quramynda kodeıni bar 18 ataýdaǵy dárilik quraldar tirkelgen. Mundaı dárilik quraldardyń 7-ine baqylaý ornatylsa, 11-i baqylaýdan tys qalyp otyr.
Baǵasy arzan bolǵan soń, keń taraýyna qolaıly dezomorfın adamnyń tánin ishinen de, syrtynan da iritip jiberedi eken. Dansaýlyq saqtaý vıtse-mınıstri bul esirtkini udaıy paıdalanatyndardyń ómiri tek 1,5-2 jylǵa deıin ǵana sozylady dep otyr.
