Qolsyz týǵan brazılııalyq balerına áleýmettik jeliniń juldyzyna aınaldy
Qolsyz dúnıege kelgen Býenonyń bıshi bolý armany esh oryndalmaıtyndaı kórindi. Ásirese, Brazılııanyń aýyldyq jerinde turatyn Vıtorııaǵa bul múmkin emesteı edi.
Biraq qazir 16 jastaǵy ol óziniń týǵan qalasy Mınas-Jeraıstaǵy balet akademııasyna únemi baryp turady. Býenonyń talanty ony áleýmettik jeliniń juldyzy etti jáne kóptegen adamnyń shabytyn oıatty.
Jasyl men aq tústiń úılesiminde óz áriptesterimen birge sahnamen tutasyp ketkendeı bılegen ony kórgende, eshkimniń qolsyz dep oılamasy anyq.
«Maǵan tipti olar múldem qajet emes sııaqty», - deıdi ol.
Vıtorıa fızıoterapevtiń keńesi boıynsha baletpen aınalysa bastady, al ol jas Býenonyń bıge ıkemi baryn baıqaǵan.
Instagram-da 150 000-nan astam jazylýshysy bar (@vihb_bailarina) Býeno basqalarǵa úlgi bolýǵa tyrysady.
«Bizdiń múmkindigimiz kóp. Shekteýlerimizdi jeńip, óz armanymyzdy oryndaýymyz kerek», - deıdi ol.