Kólshik kóshe: elordadaǵy Turan dańǵylynyń ýchaskesi ýaqytsha jabyldy
ASTANA. KAZINFORM - Kollektorde júrgizilip jatqan jumystarǵa baılanysty Turan dańǵylynyń Kereı, Jánibek handar kóshesinen Uly Dala dańǵylyna deıingi ýchaskesi 26 mamyr kúni ýaqytsha jabyldy, dep habarlaıdy elorda ákimdiginiń baspasóz qyzmeti.
Jergilikti jerde kommýnaldyq qyzmetter jumys isteıdi. Turan dańǵylyndaǵy bul kollektor jańbyr sýy men káriz qaldyqtaryn jınaıdy. Nóserli káriz kollektorlary tolyq qýatta jumys isteıdi.
Sondaı-aq,kollektordyń jumysy jeke qurylys salýshylar men birqatar úıdiń zańsyz qosylýyna baılanysty shamadan tys júkteledi, onyń ishinde turmystyq zattar, qurylys materıaldary jáne t.b. kárizge tastaıtyndar ba joq emes.
Qazirgi ýaqytta Turan dańǵylynda taǵy bir magıstraldyq káriz kollektorynyń qurylysy júrgizilýde. Onyń uzyndyǵy – 8 km, bul qoldanystaǵy kollektordyń uzyndyǵynan úlken. Magıstraldyq káriz kollektorynyń tolyq aıaqtalýy osy jyldyń kúzine josparlanyp otyr.
Osy jyldyń maýsym aıynyń sońynda nóser káriz júıesin ótkizetin káriz kollektorynyń 1-shi kezegin iske qosý josparlanyp otyr. Qazirgi ýaqytta qosymsha sorǵylardy ornatý jáne iske qosý jumystary júrgizilýde. Bul kollektordyń qurylysy men iske qosylýy sol jaǵalaýdaǵy basqa kollektorlardyń jumysyn jeńildetedi.
