Kólsaıǵa baratyn jańa aınalma jol salynyp bitti
TALDYQORǴAN. QazAqparat - Almaty oblysynda Kólsaı kólderine baratyn jańa aınalma joldyń qurylysy aıaqtaldy, dep habarlaıdy QazAqparat tilshisi.
Oblys ákiminiń baspasóz hatshysy Ǵalymurat Júkeldiń aıtýynsha, aınalma jol salý týraly sheshimdi óńir basshysy Amandyq Batalov sáýir aıynda taý kóshkinin qarap shyqqannan keıin qabyldaǵan bolatyn.
«Kólge aparatyn negizgi jol jabylyp qalǵandyqtan, Almaty oblysynyń ákimi Amandyq Batalov Kólsaıdaǵy jaǵdaımen tanysýǵa arnalǵan jumys saparynda aınalma jol salýdy tapsyryp, onyń qurylysyn jedeldetýdi tapsyrdy. Oblys ákimi Kólsaı kólderine baratyn týrısterge qaýipsiz joldyń bolýy tıistigin eskertken edi. Qazirgi ýaqytta aınalma jol qurylysy aıaqtaldy. Kedergisiz, eń bastysy qaýipsiz jol ashyq. Endi týrıster esh qıyndyqsyz Kólsaıdaǵy demalys aımaǵyna bara alady», - dedi baspasóz hatshysy.
Eske sala keteıik, 19 sáýirde Almaty oblysynda Kólsaıǵa aparar joldyń mańynda taý kóshkini oryn alǵan edi.
