Kólsaıda sýǵa túsken Dýrovqa qandaı shara qoldanylýy múmkin
ASTANA. KAZINFORM — ІІM Ákimshilik polıtsııa komıteti tóraǵasynyń orynbasary Alekseı Mılıýk Kólsaı kóline sýǵa túsken Pavel Dýrovqa qandaı shara qoldanylýy múmkin ekenin aıtty.
Onyń aıtýynsha, erekshe qorǵalatyn tabıǵı aýmaqtaǵy sý aıdynyna shomylǵany úshin jaýapkershilikke tartý Ekologııa mınıstrliginiń quzyretine kiredi.
- Biz rásimdegen joqpyz. Tek buqaralyq aqparat quraldarynda shyqqan materıaldardy jınap, máseleni qarastyrý úshin Ekologııa mınıstrligine berdik, - dedi komıtet tóraǵasynyń orynbasary.
Osy oraıda BAQ ókilderi odan Pavel Dýrovqa qansha mólsherde aıyppul salynýy múmkin ekenin surady.
- Qalaı jikteletindigine baılanysty ártúrli bolýy múmkin. Ókiletti organdarmen sóılesý qajet. Eń tómengi shara eskertý jáne qatelespesem, 10 AEK mólsherinde aıyppul salynady, - dedi ol.
Aıta keteıik, Telegram messendjeriniń negizin qalaýshy Pavel Dýrov Almaty oblysyndaǵy Kólsaı sýyna shomylyp jatqan beınejazbasyn jarııalaǵan edi.