Kólsaıda ilbis fototuzaqqa túsip qaldy
ALMATY. KAZINFORM – Almaty oblysynda ilbis (qar barysy) fototuzaqqa túsip qaldy.
«Kólsaı kólderi» memlekettik ulttyq tabıǵı parki aýmaǵynda jabaıy janýarlardy baqylaý maqsatynda ornatylǵan beınetuzaqtardyń birine QR Qyzyl kitabyna engizilgen qar barysy taǵy da baıqaldy.
– Bul sırek kezdesetin beınejazba — qar barysynyń ulttyq park aýmaǵynda áli de mekendeıtinin dáleldeıdi jáne tabıǵı ortanyń turaqtylyǵyn kórsetedi. Jabaıy janýarlardy baqylaý jumystary jalǵasyp jatyr, – dep habarlady «Kólsaı kólderi» memlekettik ulttyq tabıǵı parkinen.
Eske salaıyq, atalǵan jyrtqyshtar byltyr qazan aıynda da boı kórsetken bolatyn.
Aıta keteıik,Qazaqstan aýmaǵynda tirshilik etetin ilbisterdiń sany jylyna 5-6 basqa kóbeıip keledi.
