Kólsaıda qutqarýshylar taýdan qulaǵan kólikti shyǵardy
ALMATY. KAZINFORM – QR TJM «Qazseldenqorǵaý» qyzmetkerleri Almaty oblysynyń taýlarynda mıkroavtobýsty jedel túrde shyǵaryp aldy.
Almaty oblysynda «Kólsaı kólderi» ulttyq parkiniń aýmaǵynda mıkroavtobýs eńisten syrǵyp ketip, shamamen 150 metrge tómen qulap túsken.
TJM málimetinshe, jaqyn mańda gıdrobeket salý jumystaryn júrgizip jatqan «Qazseldenqorǵaý» qyzmetkerleri oqıǵaǵa jedel aralasqan.
- Almaty oblysy TJD kúshterimen birlesip, kólik quraly qoljetimsiz aýmaqtan sátti shyǵaryldy. Zardap shekkender joq. Qutqarýshylar taýly jerlerde qozǵalý kezinde qaýipsizdik sharalaryn saqtaý qajettigin eske salady, - dep habarlady TJM.
Eske salaıyq, keshe Kólsaıda avtokólik jardan qulap ketkenin jazǵanbyz.
Oqıǵanyń beınejazbasy áleýmettik jelide jarııalandy. Oblystyq Golıtsııa departamentiniń málimetinshe, oqıǵa 25 sáýirinde Kólsaıdyń taýly aımaǵynda bolǵan.
