Kólsaıda Qyzyl kitaptaǵy sırek aıý kameraǵa túsip qaldy
Kólsaıda Qyzyl kitapqa engen Tıan-Shan qońyr aıýy beınekameraǵa túsip qaldy. Sırek kezdesetin jyrtqyshty ulttyq park mamandary aýmaqty barlaý kezinde tirkegen.
«Kólsaı kólderi» memlekettik ulttyq tabıǵı parkiniń mamandary aýmaqty barlaý barysynda Qazaqstannyń Qyzyl kitabyna engen Tıan-Shan qońyr aıýyn (Ursus arctos isabellinus) beınekameraǵa túsirdi.
Taýly óńirdi mekendeıtin sırek janýardyń tirkelýi — ulttyq parktiń baı bıoalýantúrliligin baqylaý men jabaıy tabıǵatty qorǵaý jumystary úshin mańyzdy derek.
Eske sala keteıik, buǵan deıin kezekti aýmaqty barlaý barysynda Baıanaýyl memlekettik ulttyq tabıǵı parkiniń mamandary men «Qazavıaormanqorǵaý» qyzmetkerleri bir top arqarlardy keziktirgen bolatyn.
Taǵy bir qyzyq jańalyq - jaqynda Baıanaýyl memlekettik ulttyq tabıǵı parkinde alǵash ret janýarlar dúnıesine tán emes sırek jyrtqysh – quný (Gulo gulo) fototuzaqqa túsip qalǵan edi. Bul osy salada ǵylymı jańalyq retinde tarıh qoınaýyna enip otyr.
