Kólsaı kólinde jańa ámbebap qutqarý pýnkti ashyldy
ASTANA. KAZINFORM — Almaty oblysyndaǵy Tómengi Kólsaı kólinde jańa ámbebap qutqarý pýnktiniń ashyldy. Bul týraly TJM baspasóz qyzmeti jarııalady.
Nysan týrısterdiń qaýipsizdigin arttyrý jáne taýly aımaqtaǵy tótenshe jaǵdaılarǵa den qoıý ázirligin kúsheıtý maqsatynda salyndy.
Qutqarý pýnktin ornalastyrý týraly sheshim óńirdiń tabıǵı erekshelikteri eskerile otyryp qabyldandy. Buǵan deıin Tómengi Kólsaı kólinde 1984 jyly sel tasqyndarynan keıin ashylǵan gıdrobeket jumys istegen. Ýaqyt óte kele ǵımarat paıdalaný talaptary men qyzmet ótkerý jaǵdaılarynyń zamanaýı talaptaryna sáıkes kelmeıtin boldy.
— Ashylý barysynda Shelek ózeni alaby óńirdegi sel qaýpi joǵary ýchaskelerdiń biri ekeni atap ótildi. Bıik taýly aımaqta muzdyqtar, muzdaq jáne bógettik kólder ornalasqan. Jergilikti jerdiń erekshelikterin eskere otyryp, jańa ámbebap qutqarý pýnkti baılanys quraldarymen, monıtorıng júrgizý jabdyqtarymen, táýlik boıy kezekshilik atqarýǵa arnalǵan úı-jaılarmen jáne jedel áreket etý tehnıkasymen jabdyqtalǵan, — delingen habarlamada.
Nysanda qutqarýshylar men QR TJM «Qazseldenqorǵaý» MM qyzmetkerleri qyzmet atqaratyn bolady. Pýnkt «Kólsaı kólderi» ulttyq parkiniń aýmaǵyndaǵy jaǵdaıdy turaqty baqylaýdy jáne týrısterdiń qaýipsizdigin qamtamasyz etedi.
Aıta keteıik, Úkimet otyrysynda QR Tótenshe jaǵdaılar vıtse-mınıstri Kegen Tursynbaev keler jyly elimizdiń óńirlerindegi ózender men kólderde 5 qutqarý stantsııasy salynatyny týraly aıtty.
