Kólsaı kólderi ulttyq saıabaǵyna baratyn jol salynady
Sapar aıasynda Qaıyńdy kólin saqtap qalý máselesi qaraldy. Óńir basshysynyń sózinshe, sońǵy jyldary atalǵan sý qoımasyndaǵy sý deńgeıi tómendep ketken. Sondyqtan máseliniń sheshimi retinde munda bóget salý josparlanyp otyr. Bul másele Ekologııa mınıstrligimen birlesip pysyqtalady.
Buǵan qosa, taıaýda saıabaqqa aparatyn joldyń qurylysy bastalyp, elektr jelileri tartylady. Ulttyq park dırektorynyń aıtýynsha, qazirgi tańda atty jáne jaıaý júrginshilerge arnalǵan joldyń jobasy ázirlenip jatyr. Budan ózge, Kólsaı aýmaǵynda bıoájethanalar ornatyp, týrısttik polıtsııa bólimsheleri men feldsherlik-akýsherlik pýnkt salý máselesi qaralyp jatyr.
Aıta keteıik, buǵan deıin Іle Alataýy ulttyq parkiniń sel júrý qaýpi joǵary aımaqtaryna bóget salynatynyn habarlap edik.