«Kólsaı kólderi» ulttyq parki aýmaǵynda qar barystary fototuzaqqa ilindi
ALMATY. QazAqparat – «Kólsaı kólderi» memlekettik ulttyq tabıǵı parkinde Qyzyl kitapqa engen qar barystary fototuzaqqa túsip qaldy, dep habarlaıdy QazAqparat tilshisi.
Ulttyq parktiń málimetinshe, elimizde shamamen 140-180 qar barysy qalǵan.
«Sırek kezdesetin janýar 1978 jyly Qazaqstannyń Qyzyl kitabyna engizilgen. Qyzyl kitapqa engen janýarlardy zańsyz aýlaǵan jaǵdaıda, múlki tárkilenip, 10 jylǵa deıin bas bostandyǵynan aıyrý jazasy qarastyrylǵan», - delinedi ulttyq parktiń habarlamasynda.
Eske salsaq, 2021 jyly «Kólsaı kólderi» ulttyq tabıǵı parki ıÝNESKO-nyń dúnıejúzilik bıosferalyq rezervattar jelisine qosylǵan bolatyn. Mundaı sheshim ıÝNESKO baǵdarlamasynyń «Adam jáne bıosfera» halyqaralyq úılestirý keńesiniń 33-sessııasynda qabyldanǵan edi.
Sondaı-aq, «Kólsaı kólderi» ulttyq parkine baratyn jol salynyp, bóget turǵyzylatyny týraly habarlaǵanbyz.
