«Kólsaı kólderi», «Altyn-Emel», «Sharyn» ulttyq parkterin damytýǵa 14,5 mlrd teńge ınvestıtsııa tartyldy

NUR-SULTAN. QazAqparat - QR Ekologııa, geologııa jáne tabıǵı resýrstar mınıstrligi týrıstik jáne rekreatsııalyq qyzmetti júzege asyrý úshin «Altyn-Emel», «Kólsaı kólderi» jáne «Sharyn» ulttyq parkteriniń ýchaskelerin uzaq merzimdi paıdalanýǵa berýge arnalǵan konkýrstardyń nátıjelerin jarııalady.

Konkýrsqa qatysý úshin áleýetti ınvestorlardan 6 ótinim tústi, dep habarlaıdy QazAqparat QR Ekologııa mınıstrliginiń Telegram kanalyna silteme jasap.

«Konkýrstyq qujattardyń jobalary atalǵan ulttyq parkterdiń resmı ınternet-resýrstarynda ornalastyrylǵanyn, ár ulttyq park boıynsha konkýrstarǵa qatysýshylarmen aldyn ala talqylaýlar júrgizilgenin atap ótken jón. Ótkizilgen konkýrstar nátıjesinde «Sharyn» memlekettik ulttyq tabıǵı parki boıynsha «Taýnton Plıýs» JShS quramyndaǵy konsortsıým atynan «QazaqGeography» RQB, «Kólsaı kólderi» boıynsha «Atyraý-Rent» JShS, «Altyn–Emel» boıynsha «Asemtal» JShS quramyndaǵy konsortsıým atynan «QazaqGeography» RQB ótkizilgen jeńimpazdar bolyp tanyldy»,-delingen habarlamada.