Kólsaı kólderi ulttyq parkinde qyzyl kitapqa engen qar barysy fototuzaqqa túsip qaldy

ASTANA. KAZINFORM – «Kólsaı kólderi» memlekettik ulttyq tabıǵı parkiniń aýmaǵynda Qazaqstannyń Qyzyl kitabyna engen qar barysy (Panthera uncia) tirkeldi. Bul týraly QR Ekologııa, geologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıteti málim etti.

— Bul erekshe kadrlar uzaq merzimge ornatylǵan fototuzaqtyń kómegimen alyndy. Beınematerıaldardan barystyń óz aýmaǵyn júıeli túrde sholyp júretini baıqalady. Baqylaý nátıjeleri boıynsha, ol bul aýmaqta shamamen tórt aı boıy tirshilik etken. Alynǵan derekter osy sırek jyrtqyshtyń mekendeý ortasy men minez-qulqyn zertteý úshin asa qundy ǵylymı materıal bolyp tabylady, — dep jazdy komıtetten.

Eske sala keteıik, buǵan deıin Jońǵar Alataýy memlekettik ulttyq tabıǵı parkiniń aýmaǵynda sırek kezdesetin ári jasyryn ómir saltyn ustanatyn jyrtqysh – qar barysy (ırbıs) fototuzaqqa túsip qalǵan edi.

Sondaı-aq Katon-Qaraǵaı ulttyq tabıǵı parkiniń Arshaty ormanshylyǵynda qar barysy fototuzaqqa túsken bolatyn.