Kólsaı, Qaıyńdy kólderi demalys kúnderi jabyq bolady
«Demalýshylardyń shamadan tys shoǵyrlanýyna baılanysty, aýdan aýmaǵynda koronovırýs ınfektsııasynyń taralýyna jol bermeý maqsatynda 29, 30 jáne 31 tamyz kúnderi «Kólsaı kólderi MUTP RMM» jáne Saty aýyldyq okrýgi aýmaǵyndaǵy týrıstik nysandar qyzmetin toqtata turý qaýly etemin. Osy merzimde halyq kóp jınalatyn jerlerdi, kólik aıaldamalaryn, qoǵamdyq tamaqtaný oryndaryn, jaıaý júrginshiler ótpeleriniń súıenishterin, oryndyqtaryn, qonaq úılerdi jáne basqa da nysandarǵa jýý jáne dezınfektsııalaý quraldaryn paıdalana otyryp, óńdeý júrgizýdi mindetteledi», - delingen Almaty oblysy Kegen aýdanynyń Bas memlekettik sanıtarııalyq dárigeri Nurgúl Sydyqbekovanyń qaýlysynda.
Sanıtarlyq talaptardyń saqtalýyn polıtseıler baqylaıdy.
«Kólsaı kólderi MUTP RMM» jáne Saty aýyldyq okrýgi aýmaǵynda 2020 jyldyń 29, 30 jáne 31 tamyz kúnderi aralyǵynda jabyq bolýyn baqylaýdy;
«Kólsaı kólderi MUTP RMM» jáne Saty aýyldyq okrýgi aýmaǵynda 2020 jyldyń 29, 30 jáne 31 tamyz kúnderi karantın sharalarynyń saqtalýyn baqylaýdy qamtamasyz etý úshin qoǵamdyq oryndardy, jaǵalaýdy jáne basqa da ýaqytsha toqtatylǵan nysandardy patrýldeýdi qadaǵalaýdy kúsheıtýdi;
Shekteý aımaǵyna kirý múmkindigin boldyrmaýdy qamtamasyz etýdi; Kórsetilgen talaptardyń buzylýy nemese oryndalmaýy anyqtalǵan jaǵdaıda QR qoldanystaǵy zańnamasyna sáıkes sharalar qoldanýdy Kegen aýdandyq polıtsııa bólimi (E.Úrkinbaev) qamtamasyz etsin» ,- delingen vedomstvonyń qaýlysynda.
