Kólsaı aýmaǵynda Tıan-Shan qońyr aıýy beınetuzaqqa túsip qaldy

QONAEV. KAZINFORM — «Kólsaı kólderi» memlekettik ulttyq tabıǵı parki aýmaǵynda jabaıy janýarlardy baqylaý maqsatynda ornatylǵan beınetuzaqtardyń birine Qazaqstannyń Qyzyl kitabyna engizilgen Tıan-Shan qońyr aıýy qaıtadan túsip qaldy.

Orman sharýashylyǵy jáne janýarlar dúnıesi komıtetiniń málimetinshe, bul sırek kezdesetin beınejazba — qońyr aıýlardyń ulttyq park aýmaǵynda áli de mekendeıtinin dáleldeıdi jáne tabıǵı ortanyń turaqtylyǵyn kórsetedi.

— Atalǵan derek tabıǵatty qorǵaý baǵytynda qabyldanyp jatqan sharalardyń tıimdiliginiń mańyzdy aıǵaǵy. Jabaıy janýarlardy baqylaý jumystary jalǵasady, — delingen komıtet jazbasynda.

Eske salaıyq, buǵan deıin Shyǵys Qazaqstan oblysynda fototuzaqqa sırek kezdesetin qar barysy túsip qalǵanyn jazǵanbyz.