Koloradoda taǵy da atys: tórt adam óltirildi
ASTANA. 6 qańtar. QazAqparat - Amerıkandyq Kolorado shtatynyń Avrora qalashyǵynda polıtseımen atysta er adam óltirildi, ol buǵan deıin boljam boıynsha úsh adamdy atyp tastaǵan bolatyn, dep habarlady Bı-Bı-Sı.
Polıtseıler kórshilerdiń shaqyrýymen jetken bolatyn, olar derbes úılerdiń birinde atys bolyp jatqanyn habarlaǵan edi. Polıtsııanyń málimetteri boıynsha, úıde «qarýlanǵan jáne qaýipti qaskúnem» jasyrynǵan.
Onymen kelissózder nátıjesiz boldy. Birneshe saǵatqa sozylǵan qorshpaýdan keıin polıtsııanyń arnaıy jasaǵy úıdi shabýylmen basyp kirdi. Atqan adam ólip qalǵan bolyp shyqty.
«Biz odan shyǵyp, berilýdi talap ettik, biraq ol bas tartty. Sodan ol ekinshi qabattyń terezesinen basyn qyltıtyp, bizge taǵy oq jaýdyrdy. Biz qaıtara oq atyp, ony jaraqattadyq - bul oq ony ólimge soqtyrdy», - dedi jýrnalısterge polıtsııa ókili Kassıdı Karlson.
«Polıtseıler úıge kirgende olar taǵy úsh adamnyń múrdesin kórdi. Bizdiń oıymyzsha, olar bir-birin biletin bolýy kerek, múmkin týystar shyǵar, olar osy úıde turǵan ba, egerde solaı bolsa, qandaı baılanystary bolǵany ázirge belgisiz», - dep qosty ol.
Qaza bolǵan eki er adam men bir áıeldiń esimderi ázirshe habarlanǵan joq. Aldyn ala málimetter boıynsha, adamdar polıtsııa kelgenge deıin kóz jumǵan. Osy úıde bolǵan taǵy bir áıel aman-esen sytylyp shyqqan.
Avrora qalashyǵynyń ótken jyly shildedegi qaıǵyly oqıǵamen ataǵy shyqqan, onda qarýly Djeıms Holms esimdi er adam kınoteatrǵa kirip, kórermenderge beı-bereket oq jaýdyrǵan bolatyn. Oqıǵanyń saldarynan 12 adam qaza boldy jáne 58 adam jaraqattandy.
