Koloradoda reaktıvti «Bombarde» apatqa ushyrady
ASTANA. 6 qańtar. QazAqparat - Jeksenbi kúni AQSh-tyń Kolorado shtatyndaǵy Aspen qalasynyń áýejaıynda jekemenshik reaktıvti ushaq apatqa ushyrady.
Azamattyq avıatsııa federaldyq basqarmasy baspasóz hatshysynyń habarlaýynsha, apat qoný kezinde oryn aldy.
19 oryndyq «Bombardier Challenger 600» ushaǵy Týsonnan (Arızona shtaty) ushyp kelgen.
Kýágerlerdiń sózine qaraǵanda, ushaqtyń dóńgelekteri jerge tıgen kezde aýdarylyp, otqa oranǵan. Órt sóndirýshiler men qutqarý qyzmetteri oqıǵa ornyna shuǵyl jetti.
Aldyn ala aqparatqa qaraǵanda, áýe kemesiniń bortynda úsh adam bolǵan. Ushaqtaǵylardyń biri qaza tapty, al qalǵan ekeýi jaraqattanǵan.
