Kolorado shtatynda obadan kisi ólimi tirkeldi
ASTANA. QazAqparat - Amerıkandyq Kolorado shtatynda obadan kisi ólimi tirkeldi, dep habarlady TASS.
Bul týraly CNN telekompanııasy Pýeblo-Sıtı okrýginiń densaýlyq saqtaý departamentine silteme jasap habarlady.
Vedomstvonyń málimetterine qaraǵanda, qaıtys bolǵan adam «jemtiktermen nemese basqa bir ólgen janýarlarmen qorektengen jándikterden juǵýy múmkin».
Ázirge oqıǵanyń mán-jaıy habarlanǵan joq.
Bıylǵy jyly budan buryn osy shtattyń Larımer okrýginde, al ótken jyly Koloradoda osy indetten segiz adam kóz jumǵany tirkelgen bolatyn.
AQSh densaýlyq saqtaý mınıstrligi janyndaǵy Aýrýlardy baqylaý ortalyǵynyń málimetteri boıynsha, elde jyl saıyn oba indetinen shamamen jeti adamnyń aýrýǵa shaldyǵýy tirkeledi. Degenmen, zamanaýı antıbıotıkterdiń kómegimen aýrýdy emdep jazýǵa qol jetkizilýde, budan júz jyl buryn mıllıondaǵan adam onyń qurbany bolǵan edi.
