Kolorado shtatynda mas júrgizýshi jazadan qashyp, rýlge ıtin otyrǵyzbaq boldy
DENVER.QazAqparat - Jyldamdyqty asyrǵan júrgizýshi qamaýǵa alynbas úshin jolaýshy kreslosyndaǵy ıtimen ornyn aýystyrmaq bolǵan, dep habarlaıdy QazAqparat USA Today agenttigine silteme jasap.
Sprıngfıld qalasynda kólikti toqtatqan polıtsııa qyzmetkeri kóliktegi oǵash kórinisti baqylap otyrdy.
Mas júrgizýshi ıtimen oryn aýystyrýǵa tyrysty. Ol tártip saqshysyna kólikti «basqarǵan» ózi emes ekenin aıtyp, ishimdik ishkenin polıtsııa qyzmetkerinen jasyrýǵa tyrysqan.
Biraq báribir qashyp qutyla almady. Kólikten birneshe metr qashyqtyqta qamaýǵa alynyp, mas kúıinde kólik júrgizdi, qamaýǵa qarsylyq kórsetti jáne jyldamdyqty arttyrdy dep aıyptaldy. Ol qamaýǵa alynbas buryn aýrýhanaǵa jetkizildi.
«Itke eshqandaı aıyp taǵylǵan joq, bosatyldy», - dep ázildedi polıtsııa.
