Kolorado shtatynda 13 jasqa deıingilerge smartfon satýǵa tyıym salynbaq
ASTANA. QazAqparat - AQSh-tyń Kolorado shtatynyń úkimeti 13 jasqa deıingi balalarǵa smartfon satýǵa zań júzinde tyıym salýdy usynǵan bastamany qoldady. Bul týraly Coloradoan basylymy habarlady.
Zań jobasy smartfon satatyn kompanııalar klıentterge negizgi paıdalanýshynyń jasy týraly suraq qoıyp, jyl saıyn osy talapty saqtaý týraly esepti Kolorado shtatynyń Kirister departamentine jiberdi. 13 jastan kishi balaǵa telefon satqan jaǵdaıda kompanııa birinshi joly eskertý alady, zań buzýshylyq qaıtalanǵan jaǵdaıda, 500 dollarǵa deıin aıyppul salynýy múmkin.
Bul usynysty Denverden anestezıolog Tım Farným basqaratyn «Ata-analar kámelettik jasqa tolmaǵan balalarynyń smatrfon ustaýyna qarsy» komertsııalyq emes uıymy usyndy. Onyń aıtýynsha, bala smartfondy erte jastan paıdalansa, ol onyń psıhıkasyna keri áser etip, mobıldik qurylǵyǵa táýeldi etedi.
Bul zań jobasyna kelesi jyly daýys beriledi. Bul úshin zań jobasynyń avtorlary 300 myǵa jýyq saılaýshynyń qolyn jınaýy tıis.
