Kolonııalarǵa tyıym salynǵan zattardy kirgizbek bolǵan advokattar ustaldy
ASTANA. KAZINFORM — Qylmystyq-atqarý júıesiniń mekemelerinde tyıym salynǵan zattardy jetkizý áreketteri taǵy da anyqtalyp, joly kesildi. Bul týraly Polisia.kz jazdy.
Bul joly zańǵa qurmet kórsetýi tıis tulǵalardyń qatysýymen bolǵany erekshe alańdatady. Almaty qalasy boıynsha QAJ departamentiniń №72 mekemesinde alaıaqtyq boıynsha kúdiktige telefon berý áreketi toqtatyldy. Tyıym salynǵan zat advokattyń sómkesinen rentgen qurylǵysynyń kómegimen tintý kezinde tabyldy. Kezdesý ótkizilmedi. Qazirgi ýaqytta advokatty jaýapqa tartý máselesi qarastyrylýda.
— Biz barlyq kelýshilerdi tyıym salynǵan zattardy alyp kirýge tyrysqany úshin jaýapkershilikke tartylatyny týraly aldyn ala eskertemiz. Soǵan qaramastan, mundaı jaǵdaılar, onyń ishinde keıbir advokattar men qoǵamdyq qorǵaýshylar tarapynan, áli de tirkelýde, — deıdi Almaty qalasy boıynsha QAJ departamenti.
Tek 2024 jyly advokattardyń qatysýymen osyndaı 4 jaǵdaı tirkelgen. Osy jyldyń alty aıynda — 12 jaǵdaı boldy. Taǵy bir oqıǵa 2025 jylǵy aqpan aıynda advokat Almaty qalasynyń tergeý ızolıatoryndaǵy qorǵaýdaǵy adamyna eki telefon bermek bolǵan. Tyıym salynǵan zattar tabylyp, tárkilendi.
Іs Almaty qalasynyń mamandandyrylǵan aýdanaralyq ákimshilik sotynda qaraldy. Sot sheshimimen áıel-advokat jaýapqa tartyldy. Osy jyldyń basynan beri QAJ mekemelerine 422 telefondy alyp kirý áreketi toqtatyldy. 150-den astam adam jaýapqa tartyldy, olardyń ishinde advokattar men qoǵamdyq qorǵaýshylar da bar. Qylmystyq jaýapkershilikke — 4 adam tartylǵan.
— Biz advokat mamandyǵyna jáne quqyq qorǵaý qyzmetine úlken qurmetpen qaraımyz. Alaıda mantııanyń astynda zańdy aınalyp ótýge tyrysý áreketi — bul qorǵaý emes, bul mamandyqqa degen senimge syzat túsirý. Zań barshaǵa birdeı — sottalǵandarǵa da, olardy kelýge kelgenderge de, — dep atap ótti QR ІІM QAJ komıtetinde.
Advokattar tarapynan ótkizý rejımin buzý faktilerine baılanysty QR ІІM Respýblıkalyq advokattar alqasyna tıisti sharalar qabyldaý, tipti kásibı lıtsenzııadan aıyrý máselesin qarastyrý týraly hat joldady.
Buǵan deıin habarlanǵandaı, túrmedegi áıelderdiń jaǵdaıy jeńildeıdi.